Teksa këto ditë janë orë ankthi, e ndërsa nuk dihet sesi do të përballemi me koronavirusin, lajme mjaft të mira na vijnë nga shkencëtarët në Izrael. Ata presin të njoftojnë ditët në vijim, përfundimin e zhvillimit të një vaksine të re për koronavirusin. Shumë prej kërkuesve po punojnë intensivisht për gjetjen e një vaksine.
Sipas mediave izraelite, shkencëtarë të Institutit të Kërkimeve Biologjike, me mbështetjen e kryeministrit të vendit, kohët e fundit kanë përparuar shumë në lidhje me mekanizmin biologjik dhe kuptimin e cilësive të këtij virusi.
Kjo përfshin aftësi më të mira për diagnoza më të mira, prodhim antibiotikësh për ata që janë prekur tashmë dhe zhvillimin e një vaksine të mundshme. Për të arritur deri në pasjen e një vaksine, kërkon një seri testimesh. Por ky proces mund të kërkojë disa muaj kohë.
Rreth 3 javë më parë, në Izrael u dërguan mostra të virusit nga Japonia, Italia dhe vende të tjera, në të cilat koronavirusi është i përhapur në masë.
Ekspertët besojnë se koha që do t’i duhet deri në përfundimin e plotë të një vaksine, varion nga disa muaj deri në një vit, një vit e gjysmë. Para konfirmimit për përdorim, çdo vaksinë e krijuar në Izrael kalon në procese shumë strikte.
