Në një kohë kur koronavirusi ka infektuar 10 persona në vendin tonë, replikat mes aktorëve politikë janë rritur më shumë.
Bëhet fjalë për kryeministrin Edi Rama dhe Kryetarin e PD-së Lulzim Basha, të cilët vijojnë të replikojnë me njëri-tjetrin përmes postimeve në rrjetin social Twitter.
“Më në fund e pranoi të vërtetën. Maskat janë të skaduara. Si të tilla ato nuk mund të jenë masë mbrojtëse për personelin mjekësor. Edi Rama mblidh mendjen dhe siguro jetën e qytetarëve! Lëri lojrat e fjalëve dhe fokusohu tek problemi kryesor që kanë sot shqiptarët”, shkruante Basha në postimin e publikuar pak më herët.
Më në fund e pranoi të vërtetën. Maskat janë të skaduara. Si të tilla ato nuk mund të jenë masë mbrojtëse për personelin mjekësor. Edi Rama mblidh mendjen dhe siguro jetën e qytetarëve! Lëri lojrat e fjalëve dhe fokusohu tek problemi kryesor që kanë sot shqiptarët.
— Lulzim Basha (@lulzimbasha_al) March 10, 2020
Ndërsa kryeministri Edi Rama nuk ka ngurruar që t’i kthejë një përgjigje.
“Nëse ty s’të duket luftë kjo e njeriut me virusin e panjohur, quaje gjendje e jashtëzakonshme a si të duash! Po vare të paktën atë fyell në mur e kurseja Shqipërisë avazin politik, se s’është koha për politikë kjo, po ora për t’i shërbyer popullit me forcën e shembullit njerëzor!”- shkruan Rama.
Nëse ty s’të duket luftë kjo e njeriut me virusin e panjohur,quaje gjendje e jashtëzakonshme a si të duash! Po vare të paktën atë fyell në mur e kurseja Shqipërisë avazin politik,se s’është koha për politikë kjo, po ora për t’i shërbyer popullit me forcën e shembullit njerëzor!
— Edi Rama (@ediramaal) March 10, 2020
