Pas verifikimit të rasteve të para në vend me koronavirus, qeveria vendosi që institucionet arsimore të mbyllen për 2 javët e ardhshme.
Mirëpo pas kësaj mase, Këshilli i Ministrave ka bërë gati vendimin që të japë 2 javë leje për njërin nga prindërit, që do të kujdeset për fëmijën apo fëmijët e mitur.
Sipas vendimit, njëri nga prindërit që kanë fëmijët në çerdhe, parashkollor dhe kopshte do të jenë të lirë nga puna deri më datë 23 mars, kur edhe është parashikuar rihapja e institucioneve arsimore.
Në pikën e parë të vendimit qeveria thekson se përfitojnë punonjësit e administratës shtetërore, por në pikën e dytë theksohet se:
“Për shkak të mbylljes së çerdheve dhe institucioneve arsimore, në funksion të marrjes së masave për parandalimin e përhapjes së infeksionit nga COVID 19 u bëjmë thirrje të gjithë punëdhënësve privatë që të gjejnë mundësitë për trajtimin me pushim të punëmarrësve të tyre, sipas pikës 1 të këtij vendimi”.
