Italia vijon të vuajë efektet e koronavirusit në vend, teksa dita ditës ka një rritje të konsiderueshme të numrit të infektuarve dhe të viktimave.
Mediat italiane bëjnë me dije se deri më tani janë shënuar 148 viktima në vend. Kjo do të thotë se në 24 orët e fundit janë shënuar 41 viktima. Ndërsa numri total i të infektuarve ka shkuar në 3,296.
Në një kohë mjaft të shkurtër Italia është kthyer në qendrën e koronavirusit në Evropë. Shumë nga rastet e para që janë identifikuar në shtetet e tjera të Evropës, kanë qenë shtetas që janë kthyer nga Italia.
