Për shkak të situatës së vështirë të krijuar nga përhapja e koronavirusit në Itali, supersfida Juventus-Milan rrezikon të shtyhet. Takimi mes bardhezinjve dhe kuqezinjve ka gjasa të mos zhvillohet.
Drejtori i marrëdhënieve me publikun të Juventusit, Klaudio Albaneze, bëri me dije qëndrimin e klubit për mediat. Ai ka thënë se Juventusi respekton çdo vendim që merret nga ana e autoriteteve, pasi shëndeti publik mbetet me rëndësi.
“Juventusi respekton çdo vendim që merret nga autoritetet. Shëndeti publik është prioriteti kryesor për shoqërinë”, deklaroi zyrtari i klubit kampion të Italisë.
Jo vetëm kaq, qeveria po mendon që për 30 ditë të mos zhvillohet asnjë aktivitet, në mënyrë që situata të normalizohet.
