Pak më herët, presidenti Trump tha se qytetarët nuk duhet të frikësoheshin nga koronavirusi, pasi nëse janë të shëndetshëm, pa probleme serioize me shëndetin, risku është shumë i vogël.
Por ka pasur edhe raste sporadike, ku kanë humbur jetën persona të rinj në moshë, ndonëse grupmosha më e riskuar është ajo 80 vjeç e sipër. Deri më tani në të gjithë globin më shumë se 2.800 mijë persona kanë humbur jetën, ndërsa rreth 82.000 mijë janë të infektuar. Ekspertët i shikojnë rritjet e temperaturave si një ogur të mirë, për eliminimin total të koronavirusit, të njohur zyrtarisht si COVID-19.
Në një raport të publikuar nga BBC, tregohet se cilat mosha dhe sëmundje kanë përqindjen më të lartë të rrezikohen nga virusi.
Më të rrezikuarit shfaqen personat që i përkasin kategorisë 80 vjeç e sipër.
Shkalla e dytë përbëhet nga 70 deri në 80 vjeç, të ndjekur nga 60-69 e kështu me radhë deri në moshën 0-9 vjeç, të cilët kanë një probabilitet pothuajse zero për t’u rrezikuar nga koronavirusi.
Personat me probleme kardiake janë cilësuar si personat më të rrezikuar. Këta pasohen nga personat që vuajnë nga diabeti, më pas ata që kanë probleme me rrugët e frymëmarrjes dhe personat që vuajnë nga tensioni i lartë.
Por edhe personat që nuk vuajnë nga ndonjë sëmundje kronike janë të rrezikuar, por me një probabilitet fare të ulët.
Në këtë sondazh rezulton se më të rrezikuarit janë meshkujt sesa femrat. Megjithatë referuar raportimeve të fundit, rezulton se numri i të infektuarve dhe vdekjeve po shënon rënie.
