Federata Italiane ka vendosur të shtyjë ndeshjen e nesërme, mes Interit dhe Juventusit.
Arsye për shtyrjen e kësaj ndeshjeje është bërë përhapja e frikshme e koronavirusit në Itali, ku deri më tani raportohet për më shumë se 800 të infektuar.
Fillimisht ndeshja ishte vendosur që të luhej me dyer të mbyllura, por klubi i Juventusit ka insistuar që ndeshja të shtyhej.
Mësohet se kjo ndeshje është shtyrë për në datën 13 maj. Ndërkohë, përveç këtij takimi janë shtyrë edhe 4 takime të tjera, që ishin programuar për t’u luajtur me dyer të mbyllura.
