E enjte, 16 Shtator, 2021
28.5 C
Tirana

Rrezet e diellit ulin presionin e gjakut? Ja çfarë thotë studimi i fundit

Ekspozimi ndaj diellit lidhet me presionin e ulët të gjakut, thotë një studim i ri që përfshiu qindra mijëra pacientë në klinikat e dializës në gjithë SHBA-në. Por mos e përdorni këtë lajm, si një justifikim për të rezervuar sa më parë pushimet në plazh.

Për studimin e ri, studiuesit shqyrtuan të dhënat e presionit të gjakut nga më shumë se 342.000 pacientëve në afro 2.200 klinika për 3 vjet, duke filluar nga janari i vitit 2011. Më shumë se një e treta e pacientëve, ishin afro-amerikanë.

Leximet e presionit të gjakut ishin mesatarisht të përmuajshme, dhe më pas krahasoheshin me të dhënat mbi temperaturën e mjedisit jashtë në natyrë, dhe me rrezatimin ultravjollcë, të cilat gjithashtu regjistroheshin në baza mujore. Studiuesit morën parasysh ndryshore të tilla si gjinia, mosha dhe indeksi i masës trupore të njerëzve të përfshirë në studim.

Kur u përpunuan shifrat e afro 46 milionë leximeve të presionit të gjakut, studiuesit zbuluan se ekspozimi ndaj rrezeve ultravjollcë të diellit, shoqërohej me një presion më të ulët sistolik të gjakut, pavarësisht nga temperatura e mjedisit. Është hera e parë që një studim i madh, ka treguar një gjë të tillë, thotë autori kryesor i hulumtimit dr.Riçard Ueller.

Ueller, profesor i dermatologjisë në Universitetin e Edinburgut në Skoci, u shpreh se studiuesit i kanë ditur prej dekadash ndryshimet sezonale në presionin e gjakut, por i kishin lidhur ato me faktorë të tillë si temperatura dhe vitamina D, e cila prodhohet kur rrezet e diellit bien në kontakt me lëkurën tonë.

Por studimet e përsëritura, nuk kishin arritur deri tani të dëshmonin se vitamina D e ul presionin e gjakut, tha ai. Dhe megjithëse ky studim sugjeron se temperatura luan në fakt një rol, “gjysma e variacionit sezonal në presionin e gjakut, është e pavarur nga temperatura”. “Kjo ndodh për shkak të rrezeve ultravjollcë. Dhe kjo është diçka vërtetë emocionuese”- thekson studiuesi.

Ueller tha më tej se efekti i dritës së diellit, duket të jetë i vogël por i rëndësishëm.Drita ka një efekt më të madh në mesin e njerëzve me lëkurë të bardhë, se sa tek ata me lëkurë të errët. Në terma praktikë tha ai, gjetjet sugjerojnë nëse dikush do të qëndrojë gjithmonë në një temperaturë kontante, pra me veshje të ngrohta, dhe ngrohje qendrore në dimër, do të ulë presionin e gjakut me 2 ose 3 milimetra merkur. “Nuk duket shumë por një rënie e tillë zvogëlon me 10 për qind ngjarjet e pakëndshme me zemrën. Dhe kjo është shumë e rëndësishme”, thotë ai

Ueller, publikoi një studim laboratorik të hershëm, që tregoi si rrezet ultravjollcë çlirojnë oksid nitrik në lëkurë, që hollon arteriet dhe ul presionin e gjakut. Por, mos harroni se rrezet UV kontribuojnë në kancerin e lëkurës. Akademia Amerikane e Dermatologjisë, sugjeron shmangien e ekspozimin të drejtpërdrejtë në diell midis orës 10:00 dhe 14:00; dhe përdorimin e kremrave me mbrojtje 30 ose më të lartë.

Ndërkohë dr.Pol Uelton, profesori i shëndetit publik në Universitetin Tulein në Nju Orleans, e quajti studimin “interesant”, po shtoi se ai ka kufizimet e veta. Së pari, tha ai, ky është një studim vëzhgues, çka do të thotë që shkaku dhe efekti nuk mund të provohen.

Gjithsesi, Ueller po kryen hulumtime të mëtejshme mbi përdorimin e dritës ultravjollcë, si kurë për njerëzit që vuajnë nga presioni i lartë të gjakut. Ai shpreson të nxisë një rivlerësim të qasjes, sidomos tek dermatologët e tjerë. /TIRANA TODAY

- Reklama -

Më shumë nga kategoria




Të fundit

E vetmja mënyrë për të trembur Ramën

Nga: Dritan Hila Tashmë që janë trajtuar të gjitha variablet e seriozitetit apo ambiguitetit të sjelljes së Bashës ndaj Berishës dhe pasojat që do ketë...

Nëndetëset me energji bërthamore, Kina denoncon paktin SHBA-Britani-Australi

Kina ka denoncuar një pakt historik të sigurisë midis SHBA, Britanisë së Madhe dhe Australisë, duke e përshkruar aleancën si "jashtëzakonisht të papërgjegjshme" dhe...

Mësimi nga mençuria e gjyqtarit Learned Hand

Nga: Irena Beqiraj Po jetojmë një periudhë të çmendur “skepticizmi” ndaj Amerikës. Mesazhet e shumë zyrtarëve të saj duken butaforike. Por historia na tregon që...

I zhdukur prej dy ditësh, 39-vjeçari gjendet pa shenja jete

Policia e Tiranës njofton se është gjetur pa shenja jete një 39-vjeçar në zonën e quajtur "Kodrat e Selitës". Policia ka indentifikuar viktimën, shtetasi...

“Shqipëria do monitorohet nga kamerat”, ministri Çuçi zbulon planin

Ministri i Brendshëm, Bledi Çuçi, ka zbuluar sot në Kuvend objektivat e dikasterit që ai drejton në 4 vitet e ardhshme të 'Qeverisë Rama'....