Ajo çfarë është trumbetuar shpesh gjatë ditëve të fundit, lidhet me rritjen e higjienës personale, kjo si masë parandaluese për prekjen nga viruset.
Gjatë shpërthimeve të mëparshme të koronaviruseve, transmetimi nga njeriu te njeriu ndodhi përmes spërklave të pështymës, kontaktit të drejtpërdrejtë njerëzor, apo kontaktit indirekt.
Organizata Botërore e Shëndetësisë rekomandon disa këshilla për të zvogëluar rrezikun e përgjithshëm të transmetimit të infeksioneve akute të frymëmarrjes.
Ja disa këshilla:
-Lani shpesh dhe mirë duart me ujë dhe sapun
-Shmangni prekjen e syve, hundës dhe gojës me duar të palara
-Shmangni përqafimet dhe puthjet në përshëndetjet e zakonshme
-Mbuloni hundën dhe gojën kur teshtini apo kolliteni
-Shamitë pas përdorimit hidhini në vende të caktuara
-Ajrosni shpesh shtëpinë
-Nëse ju shfaqen shenja të gripit, qëndroni në shtëpi larg shkollës
-Nëse shenjat e gripit përkeqësohen, kontaktoni mjekun
Me frikën e përhapjes së koronavirusit, dezinfektuesit e duarve dhe letrat e lagura me efekte antibakteriale, mbeten ndër produktet më të kërkuara.
Organizata Botërore e Shëndetësisë ka bërë thirrje që të përdorini dezinfektues duarsh për shkak se Covid-19 ka një ngjashmëri 80% me virusin SARS, ku dezinfektuesit patën efekt.
Pra, ka prova se dezinfektuesit vrasin koronavirusin, megjithëse jo domosdoshmërisht Covid-19. Për aq kohë sa ka karakteristika të ngjashme me të tjerë virusë, është mirë që ti përdorni.
