Një emigrant shqiptar, i cili një natë më parë i është nënshtruar analizave mjekësore si i dyshuar nga koronavirusi, fatmirësisht ka rezultuar negativ. Ai ka kërkuar ndihmë mjekësore në spitalin e Avellinos pas një qëndrimi prej disa ditësh në Verona, në veri të Italisë.
Temperaturë e lartë e kolla e fortë kanë çuar në dyshimin e prekjes nga koronavirusi. Stafi mjekësor i spitalit të Avellinos ka kryer të gjitha ekzaminimet e rastit, e fatmirësisht shqiptari doli negativ.
Diagnoza e tij ishte tonsile bakterike, raporton “Ora News”. Tashmë Italia është kthyer në shtetrrethim, ku zhvillohen kontrolle për të parandaluar përhapjen e mëtejshëm të tij.
Qytetet kryesore të Italisë janë kthyer në vende fantazmë, ku shikohen shumë pak persona nëpër rrugë, për shkak të frikës nga koronavirusi. Nga ana tjetër, Drejtori i i përgjithshëm i OBSH-së, Tedros Adhanom Ghebreyesus, ka deklaruar se bota duhet të përgatitet për një pandemi të mundshme prej koronavirusit, por jo me frikë dhe duke përhapur panik.
“Çdo vend duhet të bëjë vlerësimet e veta, sipas kontekstit të tij. Edhe OBSH do monitorojë situatën 24 orë në ditë”, shtoi ai, duke theksuar se” ekziston nevoja për masa paraprake, por jo frikë”.
Teksa numri i të prekurve po rritet frikshëm, edhe atyre i të shëruarve duket se po ecin me ritme të larta. Numri i personave të shëruar ngadalë po tejkalon atë të të infektuarve. Kjo dëshmon se përhapja e emidemisë mund të kontrollohet dhe kufizohet.
