Presidenti Meta ka zbuluar detaje të reja lidhur me atë që e quan manifestimin historik të 2 marsit, teksa fton shqiptaret të vijnë me flamuj kuq e zi me vete. Bashkëngjitur një fotoje që e ka postuar në Facebook, Meta ka zbuluar mesazhet që do e shoqërojnë këtë besëlidhje të shqiptarëve.
Meta apelon ndaj shqiptarëve që më 2 mars të jenë të pranishëm në Bulevardin “Dëshmorët e Kombit”, sipas tij, për t’i treguar kësaj organizate mafioze se durimi ka kapërcyer çdo kufi. Dhe se mbrojtja e Gjykatës Kushtetuese është vija e kuqe e çdo shqiptari të ndershëm dhe të përgjegjshëm.
Statusi
Të dashur qytetarë!
Në manifestimin historik të 2 marsit ju ftoj të gjithëve t’u përmbahemi vetëm këtyre mesazheve:
PËR KUSHTETUTËN!
PËR SHQIPËRINË!
JO GRUSHTIT TË SHTETIT!
JO SHPOPULLIMIT!
TË GJITHË TË BARABARTË PARA LIGJIT!
Dhe meqenëse jemi kthyer 30 vjet pas, le ta degjojë e gjithë bota mesazhin e Shqiponjave:
LIRI DEMOKRACI!
E DUAM SHQIPËRINË SI GJITHË EUROPA!
Ju ftoj të vini vetëm me flamuj kuq e zi!
Ju përshëndes të gjithëve me këtë foto të jetës time!
