Presidenti Meta dha një deklaratë të fortë në konferencën e radhës për mediat. Ai premtoi se në datën 2 mars, në bulevardin ‘Dëshmorët e Kombit’ do të nisë shpartallimi i asaj që e cilëson si grushtin e shtetit. Kreu i Shtetit paralajmëroi një besëlidhje me popullin, dhe tha se institucionet në bulevard do i kthehen popullit.
“Do ta marrim me qetësi çmontimin e plotë të grushtit të shtetit. Nëse ky institucion është sot një kështjellë e vetëm por e pamposhtur dhe e paetur e mbrojtes së Kushtetutës, nga data 2 mars ku do të firmoset dekreti i parë për shpartallim të plotë të grushtit të shtetit, në bulevardin ‘Dëshmorët e Kombit; do bëj thirrje për të shpartalluar grushtin e shtetit. Ju presim pasdite në bulevard, se do jap fjalën se shumë shpejt falë popullit nuk do të ketë vetëm një institucion që është vetëm presidenti, por të gjitha institucionet që janë në bulevardin ‘Dëshmorët e Kombit’ do t’i kthehen popullit”, tha Meta.
Ai e ka mbyllur fjalën e tij me një mesazh i cili i drejtohet kryeministrit Edi Rama: “Ata që kërkojnë popullin e presidentit në Whatsapp, të porosisin poturet e gjera”.
Meta publikoi provat e grushtit të shtetit, dhe akuzoi Ramën si përgjegjësin kryesor. “Dokumente të reja për Gjykatën Kushtetuese. Dokumentet që do ju japim juve, pra e kanë marrë nga Don Doni, një provë tjetër që Rama është përgjegjësi i këtij puçi shteti.
Ai është përgjegjësi i parë. Së dyti gjysmë-parlamenti, që shquhet për gënjeshtra dhe mashtrime, për të bërë ceremonitë e betimit, buzë lanës, ka marrë aprovimin e një sërë insticucionesh. Të gjitha këto që u bëmë të ditur herën e kaluar, tregojnë hap pas hapi se Dvorani nuk ka marrë asnjë vendim të tillë. Dele deputetët dhunojnë popullin shqiptar. Anëtarët e Gjykatës Kushtetuese mund të betohen vetëm tek Presidenti ”, u shpreh Meta.
