Palestina ka ndërprerë të gjitha marrëdhëniet me Izraelin dhe Shtetet e Bashkuara të Amerikës. Lajmi është bërë i ditur nga Kryetari i Autoritetit Palestinez, Mahmoud Abbas.
Ky vendim drastik vjen pas prezantimi të planit të Trump për Lindjen e Mesme. Presidenti palestinez e njoftoi vendimin gjatë një takimi të Ligës Arabe në kryeqytetin e Egjiptit, ku morën pjesë të gjithë vendet arabe që janë kundër planit amerikan për Lindjen e Mesme.
“Unë kurrë nuk do ta pranoj këtë zgjidhje. Nuk dua të mbahem mend si njeriu që shiti Jerusalemin”, tha Abbas.
Sakaq, ende nuk ka pasur asnjë reagim nga SHBA-ja në lidhje me vendimin e Palestinës.
