Një studente shqiptare e cila jeton në Wuhan, epiqendrën e virusit vdekjeprurës, ka pohuar se është mirë dhe se ka marrë një banesë me qira në një provincë tjetër, në Xi’an.
Josilda Nreaj rrëfeu se çdo të thotë të gjendesh në një situatë dramatike ai ajo që është duke kaluar Kina.
“Unë jam mirë, faleminderit! Jam studente në Wuhan, por për momentin kam marrë një banesë me qira në një provincë tjetër në Xi’an. Universiteti na ka njoftuar të qëndrojmë jashtë Wuhan të paktën deri në datë 15 shkurt”, ka deklaruar studentja për “Top Channel”.
“Sigurisht që kam pasiguri dhe po përpiqem të përdor çdo masë të mundshme parandaluese gjithashtu jam dhe vetëm në një provincë tjetër ku nuk e di për sa kohë do të qëndroj. Gjithçka ndodhi shumë papritur dhe po përpiqem të ruaj qetësinë dhe të vëzhgoj situatën”, vijon ajo.
