Një shpërthim i fuqishëm ka ndodhur në orët e para të mëngjesit ditën e sotme në Tiranë. Ngjarja mësohet të ketë ndodhur në rrugën “3 Dëshmorët” në zonën e Yzberishtit në Tiranë.
Sipas policisë, një bombol gazi ka shpërthyer në një byrektore ku si pasojë e shpërthimit kanë mbetur të plagosur 3 persona, respektivisht bashkëpronarja e biznesit dhe 2 punonjëse.
Tiranë/Informacion Paraprak
Rreth orës 07:25 në rrugën “3 dëshmorët” në një pikë që tregton prodhime brumi, ka shpërthyer një bombol gazi ku si pasojë është lënduar lehtë shtetasja K.S, bashkëpronarja e biznesit, si dhe dy punonjëset A. M dhe M. P.
Grupi hetimor ndodhet në vendngjarje ku po vijon punën për sqarimin e mëtejshëm të rrethanave të ngjarjes.
