Mike Pompeo, Sekretari i Shtetit Amerikan është shprehur se SHBA-ja është e zhgënjyer me Evropën. Sipas tij, Evropa nuk dha asnjë lloj ndihme për eliminimin e gjeneralit iranian Qassem Soleimani, pavarëisht se janë aleatë.
“Europianët nuk ishin dhe aq ndihmues sa unë shpresoja se do të ishin para sulmit në Iran. Ne e kapëm dhe e ndaluam atë. Ajo që bëmë ne është e mirë për të gjithë botën. Shpëtuam jetë në Evropë dhe në Amerikë. Britanikët, gjermanët, francezët duhet ta kuptojnë këtë gjë. Kam harxhuar dy ditë duke biseduar me partnerët për veprimin e SHBA, arsyet pse e kishim ndërmarrë dhe duke i kërkuar atyre ndihmë, ata ishin të gjithë fantastikë.’’- tha Pompeo për Fox News.
