Policia po pret të marrë në pyetje babanë e Lindita Musai, vajzës shqiptare që u ekzekutua bashkë me burrin e saj në Melbourne të Australisë.
Ngjarja u shënua rreth orës 10.30 të mëngjesit të 31 dhjetorit, ku babai i vajzës, Osman Shaptafaj qëlloi për vdekje Lindita dhe Veton Musain në verandën e shtëpisë së tyre.
Sipas mediave të huaja, autori ndodhet në gjendje kritike në spital, pasi ai qëlloi edhe veten pas krimit. Nuk dihen ende shkaqet që e çuan babanë e Linditës në ekzekutimin e çiftit, pasi gjendja e tij shëndetësore nuk i lejon efektivët e policisë që ta marrin në pyetje.
Veton Musai, i cili ndërroi jetë disa orë pas ngjarjes, është djali i ish-kryetarit të Komunitetit Shqiptar në Australi, Alil Musai. Ky i fundit emigroi në Australi nga Maqedonia e Veriut në vitet 1980.
Lindita Musai ishte gjithashtu anëtare e komunitetit shqiptar të Melburnit. Babai i Veton Musait, Alili, ka qenë presidenti i Komunitetit Shqiptar të Melburnit i cili në vitin 2000 mbështeti refugjatët kosovarë që kishin ikur nga lufta e Serbisë.
