Drejtori i Spitalit të Shkodrës ka reaguar pas denoncimit të PD-së, ku tha se janë pezulluar sërish ndërhyrjet kirurgjikale në spitalin rajonal të Shkodrës. Drejtori teksa qetëson qytetarët, bën me dije se shërbimi në spitalin e Shkodrës është në gatishmëri maksimale. Po kështu ai konfirmon ndër të tjera se nuk ekziston asnjë urdhër apo kufizim në spital.
“Dua të reagoj për një keq interpretim. Unë nuk e kam lexuar, por mora informacion. Dua të sqaroj se shërbimi në spitalin e Shkodrës është në gatishmëri maksimale.
Nuk ekziston asnjë urdhër apo kufizim në spital. Kjo është vetëm për të mirëmenaxhuar situatën. Ne duhet të shtojmë gatishmërinë për festat. Bëhet fjalë vetëm për një ditë që janë shtyrë operacionet, të cilat do të bëhen më datë 6 janar.
Kjo çështje të mos politizohet dhe të mos përhapet panik për pacientët. Janë 6 operacione që do të kryhen në datën 6 janar”, u shpreh drejtori i spitalit të Shkodrës.
