Një ngjarje e rëndë ka ndodhur mbrëmjen e djeshme në aksin Gjirokastër-Tepelenë. Dy mjete transporti mallrash, një maune dhe një trajler janë përfshirë në një aksident, në Tepelenë, pranë fshatit Krahës.
Sipas informacioneve të bëra të ditura, nga përplasja është plagosur rëndë njëri prej shofereve. Ai është transportuar për në spital për të marrë ndihmën mjekësore të nevojshme.
Bëhet me dije se personi i plagosur është identifikuar si Eugen Hidri, i cili ka qenë shofer i trajnerit. Policia ndodhet në vendngjarje dhe po heton shkaqet e këtij aksidenti.
