Mbrëmjen e djeshme, festivali i 58 i Këngës në RTSH u fitua nga Arilena Ara. Në vendin e dytë u rendit Elvana Gjata, me këngën që titullohej “Me tana”.
Menjëherë shpërthyen komentet në rrjetet sociale, ku nuk mungonin kritikat. Nuk kishte si të ndodhte ndryshe, ku një pjesë e komentuesve të rebeloheshin, pse këngëtarja e preferuar e tyre nuk triumfoi.
Në morinë e shumë komenteve ka spikatur edhe ai i regjisores Elma Doresi, e cila ka argumentuar qëndrimin e saj, pse është e lumtur që nuk fitoi Elvana Gjata.
Në një reagim në rrjetin social Facebook, Doresi shprehet se nëse çmimin e parë do e merrte Elvana Gjata, i gjithë rrjeti do ia faturonte se ajo ka një partner me shumë lekë.
Statusi
Jam e lumtur që nuk fitoi Elvana. Sepse sot do ishte mbushur rrjeti me keq : E fitoj nga “boli” . Ky bullizëm i shëmtuar.
E fitoj se ka “bosin”.
Të gjithë do të hidheshit më keq se çjeni hedhur. Tallava. Kjo fjalë që është kthyer në moton e ditës. Nuk lexova një status me analizë të mirëfilltë. Një analizë profesionale. Një analizë pa mllefe. Një analizë bindëse.
Jo. Ska analiza e kritika të tilla. Por vetëm: bolo, bosi, tallava. Statuse e komente pa fund. Ngatërrohen shijet me mendimet. U sulët të gjithë për në eurovizion dhe se çfarë ishte e denjë për ne të na përfaqësonte por harruat kryesorin: Festivalin tek ne. Jam vërtetë shumë e lumtur që nuk fitove Elvana . I kurseve vehtes disa statuse e komente. Ps : Po na le pa punë neve të rrjeteve sociale tani.
Këngëtarja Elvana Gjata ishte përfolur si fituesja e edicionit të 58 të festivalit. Pas finales, Elvana ka shkuar në prapaskenë dhe është mbyllur në dhomë. Ajo nuk u shfaq as në Post Finalen e drejtuar nga Eni Shehu, ku përpos Arilenës, e vetmja nga këngëtaret që mori pjesë ishte Sara Bajraktari, e cila fitoi çmimin e tretë.
