Policia e Shtetit ka bërë me dije se prej orës 20:00 deri në 01:00 të mëngjesit të sotëm janë konstatuar 11 raste të shkeljes së rregullave të qarkullimit rrugën në aksin Tiranë-Durrës. Sipas policisë, të 11 rastet kanë qenë për shpejtësi tej normave të lejuara.
Në kushte të lagështirës, sipas Policisë Rrugore, shpejtësi që variojnë nga 152 km/h deri në 172 km/h, kthehen në rrezik potencial për sigurinë e jetës. Të gjitha rastet kanë qenë me dyfishin e shpejtësisë së lejuar. Policia ka vendosur në pranga personat e ndaluar.
Gjithashtu, me një shënim policia ka dhënë edhe një mesazh për drejtuesit e mjeteve: “Mos fluturo, por qarkullo me shpejtësi brenda limiteve të lejuara se në rastin më të mirë ju pret Policia Rrugore, e në rastin më të keq aksidenti”, thuhet në apelin që Policia u bën drejtuesve të mjeteve”.
