Një ngjarje e rëndë është regjistruar ditën e sotme në Patos të Fierit, ku si pasojë e një sherri me armë zjarri mbetën të vdekur 2 persona.
Sipas policisë, ngjarja ka ndodhur në ambientet e poliklinikës në Patos. Autori Martin Skëndaj ka qëlluar me armë zjarri duke lënë një person të vdekur dhe1 të plagosur.
Mësohet se shtetasi që mbeti i plagosur ka ndërruar jetë pas transportimit të tij në spital. Ndërkohë nuk është mësuar akoma se cilat kanë qenë shkaqet që kanë çuar në këtë sherr.
Informacion paraprak
Policia kap në kohë rekord autorin e ngjarjes së ndodhur në ambientet e poliklinikës në Patos ku mbeti një i vrarë dhe një i plagosur.
Sot rreth orës 12:20, në ambientet e poliklinikës së Patosit si pasojë e një konflikti, shtetasi Martin Skëndaj ka qëlluar me armë zjarri dhe për pasojë ka mbetur një shtetas i vrarë dhe një i plagosur.
Falë veprimeve të shpejta dhe profesionale të policisë, është bërë e mundur kapja e autorit dhe sekuestrimin i armës së zjarrit.
Po punohet për zbardhjen e plotë të rrethanave të ngjarjes.
