Dëmet në Kurbin, procedurat që duhet të ndiqni për të përfituar qiranë

Këshilli Bashkiak Kurbin miratoi pagesën e plotë të bonusit të qirasë mujore për ato familje, banesat e të cilave kanë pësuar dëme nga tërmeti i 26 nëntorit.

Familjet që aplikojnë për përfitimin e bonusit të qirasë duhet të paraqiten pranë njësisë administrative ku kanë vendbanimin. Ata duhet të depozitojnë këto dokumente:

Formularin e aplikimit (formati standard), i cili gjendet pranë Nj.Adm;

Akt konstatimin e Institutit të Ndërtimit;

Certifikatën familjare;

Certifikatën e pronësisë së banesës së dëmtuar nga tërmeti;

Nr. e llogarisë bankare ku do të depozitohet bonusi i qirasë.

Referuar shkresës nr.22412, datë 06.12.2019, të MFE-së, vlera e pagesës së qirasë do jetë si më poshtë:

Apartament 1+1, 12600 lekë

Apartament 2+1, 15400 lekë

Apartament 3+1, 20400 lekë