Një seancë plenare e tejmbushur me emocione. Fjalë prekëse dhe lot. Kjo ka qenë kryefjala e fjalimeve në seancën e sotme parlamentare deri tani.
Ministrja e Infrastrukturës dhe Energjetikës, Belinda Balluku nga foltorja e Kuvendit ka dhënë mesazhin e saj për viktimat e tërmetit të 26 nëntorit. Sipas saj, shqiptarët janë si Feniksi, të aftë të ngrihen nga hiri, të bashkuar.
“Për të gjithë ata që thanë se ishim të vonuar u them se shteti ka qenë në këmbë, kemi qenë në këmbë jo për detyrë, por për detyrën si njerëz. Shalsi si detyrë nuk e ka të jetë në terren, por ka qenë me mua, në 5 të mëngjesit duke u munduar të dëgjonim zëra nëpër rrënoja, është shumë e vështirë emocionalisht të bësh sot një fjalim zyrtar, për të dhënë numra dhe shifra, por numra e shifra ka dhënë media pa fund. As kam dëshirë t’i mbaj lotët në këto moment por duhet ti mbaj se duhet të vijoj fjalën. Opozita duhet të ketë fytyrën e Edlirës, se opozita është aty të kontrollojë pozitën që të mos bëjë gabime dhe Edlira del këtu dhe kërkon të bëjë opozitë konstruktive. Është e lehtë të thonë sot se ça u bë gabim, por nuk di sa e lehtë do ishte të dilnin para familjes Lala e shuar dhe e mbetur vetëm me një djalë, si për të treguar që jeta dominon mbi vdekjen. Nuk e pritëm orën 7.30 jo, grupet që kemi pritur ishin të jashtëzakonshëm, italianët në Kënetë kane qenë të jashtëzakonshëm, francezët, zviceranët, të gjithë, ata kanë kapacitetet por i kanë ngritur për shkak të problematikave që kanë pasur”- tha ajo.
Ministria e Financave urdhër Thesarit: Asnjë kokërr leku për prokurimet publike
Sipas ministres, shqiptarët duhet të ndryshojnë diskursin politik; duhet të heqin dorë nga akuzat e ndërsjella dhe të fokosuhen në gjetjen e fajtorëve pas kësaj katastrofe. Ajo ka kërkuar bashkëpunim nga të gjitha palët për të kaluar këtë moment të vështirë të kombit shqiptar.
“Nuk duhet të kërkojmë fajtorë aty ku nuk ka, nga zjarrfikësit, policia, urgjenca, që ka ngritur Ogerta, urgjenca që nuk mungoi as kur dilni të gjallët e as të vdekurit, duhet të jemi të gjithë bashkë për të rindërtuar. Nuk janë 51 ata që kanë vdekur, na është goditur shpirti, të gjithëve bashkë”- tha ajo.
