Sot pritet të zhvillohet një takim me liderët e Lëvizjes Vetëvendosje dhe Lidhjes Demokratike të Kosovës, ku do të finalizohet marrëveshja për të qeverisur në katër vitet e ardhshme.
Sipas “Gazeta Express”, VV dhe LDK kanë premtuar se do ta publikojnë marrëveshjen që kanë arritur për qeverisje, ndërsa ende nuk dihet se si do të ndahen ministritë.
Pas takimit të mbajtur ditën e shtunë, ku u dha lajmi se puna e koalicionit është kryer, LDK dhe VV do të takohen sot në Kuvendin e Kosovë, në orën 14:00.
Ndërkohë, raportohet se 5 ministri do i takojnë Lëvizjes Vetëvendosje, 5 Lidhjes Demokratike të Kosovës, 1 minoritetit serb dhe 1 për minoritet tjera.
