Një ditë më parë, i riu Cane Cara u nxorr pa shenja jete nga rrënojat. Ai së bashku me familjen e tij jetonin në Thumanë, në një nga pallatet e rrënuar.
Djaloshi 18-vjeçar nuk mundi të dilte i gjallë, dhe të festonte ditëlindjen e tij. Dje ai do të festonte 18 vjetorin, dhe me rastin e ditëlindjes kishte ftuar shokët e tij për të festuar.
Ai i kishte thirrur ata një muaj më parë, por për fat të keq, shokët e tij janë mbledhur për ta dërguar në banesën e fundit.
Një nga shokët e tij nuk e ka fshehur dot trishtimin, dhe në rrjetet sociale shkruan: “Më kishe premtuar që sot do dilnim, nuk e mbajte fjalën vlla. Sot do ishte dita më e bukur për ty, po fatkeqësisht u bo më e keqja për ne. S’e gëzove ditëlindjen e 18-të vlla. Të pushoftë shpirti në paqe vëllai im”.
