Duket se ditëve me diell u ka ardhur fundi ,pasi sipas Meteoalb, kjo e diel do të nisë me reshje shiu e shtrëngata.
Reshjet priten të jenë më intensive në qarkun Shkodër dhe Kukës. Ndërsa në qarqet e tjera do të jenë në përgjithësi të dobëta. Kryesisht veriu i vendit do të ketë reshje më të mëdha, të shoqëruara me shtrëngata. Sa i përket temperaturave, nuk do ketë ndryshime.
Temperaturat minimale dhe maksimale të ajrit pritet të arrijnë:
– në bregdet: 15 / 22oC
– në vendet e ulëta: 15 / 24oC
– në vendet malore: 9 / 15oC
Ndërsa sa i përket javës që vjen, shirat do të përfshijnë pjesën më të madhe të vendit, pothuajse gjithë javën.
