Presidenti turk, Recep Tayyip Erdoğan, ka zhvilluar një takim ditën e djeshme me homologun rus, Vladimir Putin, pas të cilit u shpreh se është arritur një ‘marrëveshje historike’ mbi Sirinë.
Anadolu Agency raporton se Ankaraja dhe Moska kanë arritur një marrëveshje për të garantuar integritetin territorial dhe unitetin politik të Sirisë, si dhe për luftën kundër terrorizmit në këtë vend.
Në marrëveshje thuhet se, duke filluar nga ora 12 e mesditës së nesërme, 23 tetor, policia ushtarake ruse dhe rojet kufitare siriane do të hyjnë në anën siriane të kufirit turko-sirian, jashtë zonës së operacionit “Burimi i Paqes”, me qëllim për të lehtësuar nxjerrjen e elementëve të YPG/PKK-së dhe armëve të tyre 30 kilometra larg kufirit të Turqisë në veri të Sirisë.
Po ashtu sipas mediave turke, marrëveshja duhet të finalizohet brenda 150 orëve.
