Pas vendimit të KE-së, kryeministri italian, Giuseppe Conte ka deklaruar se do t’i propozojë Bashkimit Evropian të marrë sërish në shqyrtim hapjen e negociatave të për Shqipërinë dhe Maqedoninë, në muajin nëntor 2019.
Sipas Conte, vendimi i KE është një gabim historik, duke paralajmëruar se ky vendim i hapë rrugë aktorëve të tjerë, që të rrisin influencën në rajon.
“Dështimi për hapjen e negociatave me Maqedoninë e Veriut dhe Shqipërinë është një shuplakë e madhe, një gabim historik. Ne do të propozojmë ta çojmë çështjen në BE, që të shqyrtohet në fillim të nëntorit. Me këtë vendim, Evropa jo vetëm po dëmton veten, por rrezikon të përfitojnë vendet e tjera për të zgjeruar sferën e ndikimit në rajon”, tha kryeministri italian.
