Në prag të vendimit të Këshillit Evropian për hapjen e negociatave për Shqipërinë dhe Maqedoninë e Veriut, vjen edhe reagimi i shteti italian.
Ministri i Italisë për Çështjet Evropiane, Vincendo Amendola, është shprehur se Italia është pro hapjes së negociatave me të dy vendet.
“Synimi i Italisë është që të hapen negociatat, si me Shqipërinë, ashtu edhe me Maqedoninë e Veriut. Nuk ka mbështetje për të ndarë vendimin për Shqipërinë dhe Maqedoninë e Veriut”, tha Amendola.
Kujtojmë se në Luksemburg po zhvillohet Samiti i Këshillit të Bashkimit Evropian, ku janë mbledhur ministrat e Jashtëm të të gjitha vendeve anëtare të BE, të cilët pritet të marrin vendimin final për Shqipërinë dhe Maqedoninë e Veriut.
