Kryeministri i vendit Edi Rama po zhvillon një konferencë të përbashkët me homologun e tij italian, Giuseppe Conte. Gjatë fjalës së tij, Rama deklaroi se Shqipëria dhe Maqedonia e Veriut e meritojnë hapjen e negociatave, pasi sipas tij i kanë kryer “detyrat e shtëpisë”.
“Pa diskutim që vizita e kryeministrit italian në Tiranë sot është në kuadrin e një datë të rëndësishme për Europën dhe Shqipërinë, ku ndër të tjera do diskutohet edhe vendimi për çeljen e negociatave me Tiranën.
Prandaj dua të falënderoj kryeministrin Conte dhe qeverinë italiane që nuk janë lëkundur për asnjë moment në mbështetje të Shqipërisë, Maqedonisë Veriore dhe gjithë këtij rajoni në perspektivën për t’u anëtarësuar në BE”, tha mes të tjerash shefi i qeverisë.
