Kryeministri Edi Rama, publikoi më herët ditën e sotme fotot e transferimit të Erion Xhangollit,(të riut nga Korça që kishte nevojë për kujdes të veçantë shëndetësor) në spitalin e Tiranës.
Mirëpo pas këtij postimi në rrjetet sociale, kryeministri Rama, ka marrë komente, kritika dhe pyetje të shumta, nga më të ndryshmet.
Komenti që bie në sy është ai ku një qytetar e pyet kryeministrin se “kur sëmuret vetë pse zgjedh spitalet jashtë?”
Nuk ka vonuar komenti i Ramës, i cili i përgjigjet se ai vetë ka kryer një operacion në QSUT gjatë kohës që ka qenë kryeministër.
“Kush ta tha ty këtë apo e merr me mend zotrote?! Unë shyqyr s’jam sëmurur akoma, po një operacion të vogël para ca vitesh e kam bërë në QSUT që ta dish”, shkruan Rama.
