Kreu i PDK-së, Nard Ndoka ka reaguar në lidhje me konfirmimin e Gjermanisë për hapjen e negociatave të Shqipërisë për anëtarësimin në BE.
I ftuar në ‘Real Story’ në News24, Ndoka tha se vendimi i CDU/CSU dhe SPD të Bundestagut është një ‘Jo’ për Shqipërinë për negociatat. Kjo pasi sipas tij, kryeministrit Rama i duhet të plotësojë kushtet e vendosura nga Gjermania, për t’u ulur në tryezë me kryetarin e PD-së Lulzim Basha, brenda 18 tetorit.
“Sot ka pasur debate konstruktive. Kemi dhënë mendimet tona. Kemi pasur mendime qoftë për tryezën e OSBE. Nuk shquhemi të dy (dhe Duka) që thurim lavde. Se kam bërë me Berishën dhe jo me Bashën. Ai ishte më i ashpër.
Basha është shumë u kujdesshëm dhe i vëmendshëm me të gjithë ata njerëz në politikë që të marrë ide etj. ndryshe nga Rama që i merr në telefon dhe ushtron presion ose i çon haraçin ka një komunikim institucional shumë pozitiv. Në qoftë se Basha merret akoma me figura të vjetra PD-së gjykoj se bën hapa prapa. Ai duhet të bëjë hapa para duke parë figura të reja”, u shpreh Ndoka.
Nga ana tjetër, kryetari i PDK-së komentoi edhe mbledhjen për reformën zgjedhore duke treguar edhe mënyrën se si sipas tij, mund të ulen Rama dhe Basha në tryezë.
“Ne po shohim me përgjegjësi procesin e integrimit më shumë se Kodin Zgjedhor. E dimë që nuk ka rëndësi të madhe Kodi. Nuk e dimë se cila do të jetë axhenda. Ne nuk marrim datë për hapjen e negociatave, pra është një ‘Jo’, Shqipëria nuk e kalon klasën. Shqipëria kishte 6 pika një vit më parë kur zoti Rama hapi shampanjën, është hera e katërt që e feston. Është pjesa demagogjike. Ne kemi një ‘jo’, dhe e them me bindje por edhe i shqetësuar. Ky sërish ka një afat, është data 18 tetor. Në takim me Edi Ramën si Kryeministër ne edhe Lulzim Basha nëse merr parasysh 11 pikat dhe angazhohet për t’i zgjidhur ato. Kjo është kauza, fitore e Ramës dhe e Bashës. Rama duhet të ikë jo për presionin tonë por prej përgjegjësisë kombëtare”, tha ai.
