Edhe presidenti i Kosovës, Hashim Thaçi ka reaguar pas tërmeteve që goditën këtë pasdite vendin tonë.
Përmes një postimi në “Facebook”, Hashim Thaçi ka ndarë me të gjithë një mesazh sensibilizimi, ndërsa mes të tjerash shkruan se ka telefonuar menjëherë homologun e tij shqiptar, Ilir Meta dhe kryeministrin Edi Rama. Teksa bën me dije se është në gatishmëri të plotë për t’i ardhur në ndihmë Shqipërisë në këtë situatë të vështirë.
“Me shqetësim mora lajmin për pasojat e tërmetit që ndodhi sot në Shqipëri. Në biseda telefonike me presidentin Ilir Meta dhe kryeministrin Edi Rama ju shpreha solidaritetin e shtetit dhe popullit të Kosovës, si dhe ua ofrova ndihmën tonë të pakursyer për tejkalimin e situatës. Kam kërkuar po ashtu nga Komandanti i FSK-së, Rrahman Rama, që FSK të jetë në gjendje gatishmërie. Të lënduarve nga shembjet e shkaktuara prej tërmetit iu uroj shërim sa më të shpejtë. HTH”, shkruan Thaçi.
