Ish-presidenti Bujar Nishani, ka komentuar situatën e rëndë politike teksa shprehet se platforma që po përgatit opozita e bashkuar është një mundësi për zgjidhjen e krizës dhe krijimin e një marrëveshjeje.
Në një intervistë për News24, Nishani paralajmëroi se nëse kjo platformë nuk pranohet nga kryeministri Rama, atëherë do të ketë protesta të fuqishme nga populli.
“Platforma e opozitës është një zgjidhje për situatën. Opozita s’ka për qëllim marrëveshje mes 2 njerëzve. Marrëveshja duhet të jetë gjithëpërfshirëse. Platforma domosdoshmëri për të rivendosur shtetin e së drejtës. Marrëveshja duhet të mbështetet në platformën e opozitës, e cila do t’iu kthejë besimin qytetarëve. Nëse Rama s’pranon platformën, do ketë reagim të fuqishëm”, tha ai.
Më tej, ai akuzon kryeministrin Rama si përgjegjës të kësaj krize, teksa shprehet se ftesa e tij dërguar opozitës nuk ka besueshmëri e sinqeritet
