Kryetari i Partisë Agrare Ambientaliste, Agron Duka, ka komentuar krizën politike në vend, teksa është shprehur se ajo nuk mund të zgjidhet me një marrëveshje individuale midis kryeministrit Rama dhe kryedemokratit Basha.
Sipas Dukës, këtë pakt mes tyre nuk e mbështesin jo vetëm demokratët, por të gjithë shqiptarët.
“Nuk duhet të flasim për një pakt midis individëve, por duhet një pakt opozitë-pozitë. U bë një pakt Rama-Basha dhe e pamë çfarë ndodhi në zgjedhjet e 2017”, tha Duka.
Kreu i PAA-së u shpreh se nga një marrëveshje midis kryeministrit dhe kryeopozitarit nuk do të goditeshin vetëm partitë e vogla, por do të dëmtohen të gjithë qytetarët.
