Deputetja Rudina Hajdari ka ironizuar deklaratat e fundit të politikanëve të cilët janë shprehur pro Ditmir Bushatit, pasi ky i fundit kishte kohë që dilte kundër disa deklaratave të kryeministrit Rama.
Përmes një statusi në Twitter, Hajdari shprehet se kur ajo bëri pothuaj të njëjtën gjë si ish-ministri, nuk pranoi të digjte mandatin, të gjithë e shanë.
“Ata që nuk lanë gjë pa më sharë e akuzuar mua, kur vendosa të mos djeg mandatin, tani ju ra goja duke thënë se sa e vlerësojnë Bushatin, si një zë ndryshe brenda Partisë Socialiste. Vras mendjen mos e ka blerë gjë Partia Demokratike…”, shkruan deputetja në postimin e saj.
Kujtojmë se në mbledhjen e fundit të Asamblesë Kombëtare të PS-së, kryeministri Rama hoqi Ditmir Bushatin nga drejtimi i qarkut Shkodër, duke e zëvendësuar atë me Valdrin Pjetrin.
Ata që nuk lanë gjë pa më sharë e akuzuar mua, kur vendosa të mos djeg mandatin, tani ju ra goja duke thënë se sa e vlersojnë Bushatin, si një zë ndryshe brenda Partisë Socialiste.
Vras mendjen mos e ka blerë gjë Partia Demokratike…😂😂— Rudina Hajdari (@rudina_hajdari) August 30, 2019
