Një ngjarje e rëndë është shënuar pasditen e sotme në Greqi, teksa një helikopter ka shpërthyer duke lënë të vdekur 3 persona.
Ngjarja tragjike ka ndodhur rreth orës 17:00 të pasdites së sotme, ku fillimisht helikopteri ka shpërthyer në ajër dhe më pas ka përfunduar në ujërat e detit.
Sipas mediave greke, mësohet se viktimat janë dy shtetas nga Rusia të moshave 40 dhe 45 vjeç, dhe piloti i këtij helikopteri.
Ngjarja e rëndë ka ndodhur pranë ishullit Paros, ndërsa mësohet se akoma nuk është gjetur trupi i pilotit të helikopterit, i cili dyshohet se ishte një shtetas grek.
