Erion Veliaj ka bërë ironi me datën 13 tetor, e cila është dekretuar nga presidenti Meta për zhvillimin e zgjedhjeve.
Përmes një postimi në Facebook, Veliaj u bën thirrje qytetarëve që në këtë datë, ose mund të qëndrojnë në shtëpi, ose mund të bëhen pjesë e maratonës së përvitshme.
“Në 13 Tetor ka zgjedhje, dhe nuk janë imagjinarët e politikës së vjetër. Mund të rrish në shtëpi, ose të marrësh pjesë në Maratona e Tiranës 2019, ku mund të zgjedhësh sërish mes disa garave të ndryshme”, shkruan ndër të tjera Veliaj.
Postimi i plotë:
“Vjet lindi Kajan, sivjet s’ka justifikime! 路♂️
Në 13 Tetor ka zgjedhje, dhe nuk janë imagjinarët e politikës së vjetër.
Mund të rrish në shtëpi, ose të marrësh pjesë në Maratona e Tiranës 2019 – ku mund të zgjedhësh sërisht mes disa garave të ndryshme!
Unë do tentoj 21km këtë mandat. ♂️⏱”, shkruan Veliaj.
Kujtojmë se më 30 qershor u mbajtën zgjedhjet lokale, por pa pjesëmarrjen e opozitës, ndërsa Meta dekretoi një tjetër datë, 13 tetorin.
