Presidenti i Kosovës, Hashim Thaçi ka zhvilluar ditën e sotme një takim kryetaren e KQZ-së, Valdete Daka. Mësohet se ky takim është organizuar për të biseduar për gatishmërinë e KQZ-së Kosovë, për të organizuar zgjedhje të parakohshme nëse do lindë nevoja.
Sipas mediave kosovare, presidenti Thaçi ka thënë se në përputhje me obligimin kushtetues që del nga Neni 95, do t’i shterojë të gjitha mundësitë që në konsultime me partitë politike të përfaqësuara në Kuvendin e Kosovës, të gjendet një përgjigje për realitetin e ri politik.
“Nëse partitë politike nuk janë në gjendje t’i japin përgjigje këtij realiteti të ri politik në një afat të arsyeshëm kohor, jam i gatshëm t’i shpalli menjëherë zgjedhjet e reja”, është shprehur Thaçi.
Nga ana tjetër, ai shton se kryetarja Daka ka njoftuar se KQZ-ja është e gatshme t’i organizojë zgjedhjet e parakohshme në çdo kohë.
Presidenti Thaçi ka theksuar se është thelbësore që Kosova të ketë qeveri të re, funksionale, efikase, sa më gjithëpërfshirëse dhe sa më shpejtë, për t’i çuar përpara proceset e rëndësishme.
