Kryeministri Edi Rama u shpreh gjatë një bashkëbisedimi me gazetarët se Presidenti Meta është në gjendje të vështirë, dhe se ai ishte i gatshëm që ta ndihmonte.
Ironia e Ramës është kapur në kohë reale nga Meta, i cili me rastin e parë që pati në një bashkëbisedim me gazetarët, ia ktheu me të njëjtën monedhë.
Kreu i Shtetit, Ilir Meta, tha se gëzon shëndet të plotë dhe se e fton Ramën që të ngjiten në majën e Korabit.
“E falenderoj për solidaritetin, por nëse kam ndonjë problem, shkoj te doktori.
Sa i takon parametrave të mi, ata janë gjithnjë në përmirësim. Vetëm këtë fundjavë realizova 50 kilometra në rërë të thatë.
Ftoj Ramën në majën e Korabit. Ka vështirësi me malet e Tropojës, por me ato të Dibrës e ka më të lehtë”, tha më tej Meta.
