Pas mbledhjes në selinë e Partisë Demokratike, të strukturave më të larta dhe të krerëve të Bashkive, është vendosur data e ardhshme e protestave të opozitës.
Kjo protestë do të mbahet të hënën, në datën 8 korrik, në orën 20:00. Protesta në fjalë vjen në kushtet kur opozita e bashkuar kërkon largimin e kryeministrit Rama, dhe zgjedhje të parakohshme pa të në qeveri.
Para edhe pas zgjedhjeve të 30 qershorit, opozita dhe aleatët e saj kishin konfirmuar se aksioni i tyre do të vazhdonte deri në largimin e kryeministrit Rama.
Protesta e 10-të vjen në një hark kohor shumë të shkurtër, vetëm 1 javë pas zgjedhjeve vendore. Zgjedhje këto të cilat vetë opozita nuk i njeh, sepse sipas saj, janë pa një dekret nga Presidenti.
