Kryeministri Edi Rama pritet sërish me protesta nga mbështetësit e PD-së në qytetin e Durrësit. Shumë mbështetës të opozitës kanë pritur Ramën me pankarta “Rama ik”.
Nga pamjet e siguruara nga BalkanWeb shihet një numër i madh personash të cilët protestojnë kundër kryeministrit të vendit.
Ky nuk është rasti i parë që Rama pritet me protesta, pasi pothuaj në çdo takim të tijin elektoral të zhvilluar së fundmi, ai është pritur nga mbështetës të revoltuar të opozitës.
Kujtojmë që Partia Socialiste zhvillon sot në Durrës takimin përmbyllës të fushatës.
