Aktori Neritan Liçaj ka dalë publikisht kundër zhvillimit të zgjedhjeve me 30 qershor. Pas karikaturistit të njohur, Bujar Kapexhiu, ka reaguar edhe aktori i cili shkruan se “nuk do të lejojë që jetët e fëmijëve tanë të nëpërkëmben dhe të bien në letargjinë e dhimbshme të vdekjes së ngadaltë të padinjitetit nga sundimi i ligjit nga një bandë gangsterësh.”
Aktori ka postuar ironinë e Kapexhiut lidhur me dënimet që do kenë ata që tentojnë të pengojnë zgjedhjet, ndërsa shkruan në Facebook:
“Edhe Une….s’do lejojme qe jetet tona dhe te femijeve tane te neperkemben dhe te bien ne letargjine e dhimshme te vdekjes se ngadalte te padinjitetit nga sundimi e nje bande gangsterresh qe s’njohin kushtetute, te drejta, demokraci, mendim te lire, art, kulture, perparim, dije, qyteterim, komb dhe krenari… por vetem rrugaceri dhe vjedhje!”.
https://www.facebook.com/photo.php?fbid=10212065797193925&set=a.1043934592321&type=3&theater
Pak ditë më parë, edhe Bujar Kapexhiu tha se do të shkonte në një qendër votimi duke u kërkuar votuesve që të mos votojnë.
“Më 30 qershor unë do të shkoj në qendrën e votimit. Por do shkoj t’u tregoj të tjerëve që të mos votojnë. Do t’i pengoj ata në mënyrë që të dënohem 10 vjet që të mos shkoj jashtë shtetit. Kam vendosur të mos shkoj më jashtë shtetit. As më bën përshtypje fare. Jam kaq mirë këtu në Shqipëri. Le që nuk më lë gazeta të dal jashtë shtetit sepse më do çdo ditë një karikaturë”, tha Kapexhiu në media.
