Një ndër aktoret më të dashura të publikut shqiptar, Ana Lika ka folur publikisht për jetën personale. Vitet kanë kaluar dhe ajo është në kërkim të një personi të mirë për të kaluar moshën, ndryshe nga adoleshenca. Aso kohe, Ana ka përjetuar eksperienca nga më të ndryshmet.
Në intervistën për “Thumb”, aktorja e humorit zbuloi historinë me një djalë të cilin e pëlqente, por u përball me të papriturën. Ai ishte homoseksual.
“Nuk jam zhgënjyer, pastaj u bëmë shumë shokë. Unë nuk e shpreh kurrë kur kam dikë qejf. Kam një metodë timen: bëj sikur nuk i kam qejf. Dhe ata më vinë vetë. Ky s’vinte. E pyeta pastaj: “A kam ndonjë gjë unë personalisht?” Jo tha thjesht ke një gjë që s’më duhet mua. E mirë i thashë, të paktën s’është problem im”, tha duke qeshur aktorja, e cila mbylli një sezon të suksesshëm në emisionin “Mos i fol shoferit” në RTV Ora.
