Një grup emigrantësh shqiptarë me banim në Londër e kanë pritur me protestë kryeministrin Rama, teksa ky i fundit po zbriste nga makina për të hyrë më pas në hotelin ku do të mbahet takimi me homologun e tij nga Maqedonia dhe Serbia.
Nga video-ja e publikuar, shqiptarët dëgjohen t’i kenë thënë kryeministrit: “O mashtrues, o mafioz, Albanian mafia, Rama ik, tradhtar”. Ndërsa i bëjnë apel që të zbresë poshtë dhe t’iu bashkohet.
Mirëpo, këtyre thirrjeve Rama i është përgjigjur thjesht me një buzëqeshje.
Njëri prej protestuesve prezent në këtë organizim, deklaroi për “Faxweb.al” se do të qëndrojnë aty deri në daljen e Ramës. Ai u shpreh se emigrantët në Angli ndihen të zhgënjyer nga qeverisja aktuale shqiptare, duke marrë shkas dhe nga përgjimet e publikuara nga gazeta gjermane, të cilat dëmtojnë imazhin e vendit.
