E martë, 30 Nëntor, 2021
7.5 C
Tirana

E fundit/ Arrestohet Michel Platini, ja për çfarë akuzohet

Ish-presidenti i UEFA-s, Michel Platini është arrestuar nga forcat policore në Francë mëngjesin e sotëm. Prej vitesh ai ishte pala e akuzuar për një seri skandalesh gjatë kohës që drejtonte institucionin më të lartë të futbollit.

Legjenda e Francës drejtoi UEFA-n nga viti 2007-në vitin 2015, kur plasën skandalet dhe marrëveshjet e dyshimta që kishte bërë. Bujë bëri manipulimi që ishte bërë për ti dhënë Katarit të drejtën për të organizuar Botërorin e vitit 2022.

63-vjeçari rreth një vit më parë fito gjyqin nga UEFA-s dhe FIFA-s, ku më pas i akuzonte për komplot ndaj tij, por një hetim i ri duket se ka zbuluar fakte të rëndësishme për ta kthyer në burg Platinin.

Ja çfarë deklaronte Platini pasi mori pafajësinë në 2018-ën:

“Jam mirë, po rizbuloj jetën e një personi normal. Tani që organet e gjykimit pranuan se nuk kisha bërë asgjë, që nuk jam i korruptuar, nuk kam vjedhur, nuk jam ai që thonin ata palaçot e komisionit të etikës se isha, ndihem tjetër njeri.

Tani do të hidhem në kundërsulm. Që nga kur më kanë akuzuar ka qenë një makth, shkoja nga komisioni në komision, i sigurt për pafajësinë time dhe e gjeta veten të skualifikuar. Tetë vjet, më pas gjashtë, më pas katër, më pas njerëzit e kuptuan se ishte gjithçka falsitet, gjithçka e parapërgatitur. Të gjitha ato idiotësi të FIFA-s mbi mua. Por ishte sikur të merrje një goditje pas tjetrës, pa pushim. Ishte e vështirë”, vijoi Platini.

“Pashë fytyrën e zezë të futbollit. Nuk e prisja. Kisha hyrë në politikë për të zhvilluar futbollin, për të angazhuar fëmijët, jo për tu mbrojtur. Nuk më plas asgjë as për UEFA dhe as për FIFA. Më erdhi keq për shikimet e njerëzve që në ato ditët e para kishte ndryshuar. Më shërbeu për të kuptuar dhe për të bërë autokritikë. Mendoja se isha i rëndësishëm, nuk e kuptoja që jetoja në një botë të vogël me vetëreferencë. Njerëzve nuk u plas fare për presidentët, u bëhet vonë për Messin, Ronaldon, Ibrahimoviçin, për vërshëllimën e parë dhe atë të fundit.

Tani i di të gjitha këto dhe mund të jetoj si person normal. VAR? Kam qenë gjithmonë armik i moviolës. Sot më shumë se kurrë. Ia kisha thënë edhe Blatter: ‘Me të filluar nuk di më se ku mund të përfundosh’. Ndalesh për gjithçka, risheh gjithçka. Asnjë anësor nuk do të ngrejë më flamurin. Problemi është te arbitrat skarco dhe te formacioni i tyre”, deklaroi ish-kreu i UEFA, Platini.

- Reklama -

Më shumë nga kategoria




Të fundit

Foltorja e Kuçovës dhe kuvendi i partisë: numrat, superstruktura e ideologjia

Nga: Genc Pollo 1-NUMRAT E KUÇOVËS E MË GJERË  Javën e kaluar isha i pranishëm në Foltoren e PD-së në Kuçovë; aty kam shërbyer si deputet...

Implementohet teknologjia e re për pozicionin jashtë loje

FIFA vjen me risi, ku do të implementohet teknologjia e re për pozicionin jashtë loje. Kjo teknologji të re, do të implementohet në Kupën...

Çfarë dimë për variantin Omicron, që po “gjunjëzon” botën

Varianti Omicron i COVID-19, paraqet një rrezik global "shumë të lartë", tha të hënën Organizata Botërore e Shëndetësisë (OBSH). Varianti, i klasifikuar zyrtarisht si 'B.1.1.529'...

Dha dorëheqjen javën e kaluar, kryeministrja e Suedisë rikthehet në detyrë

Magdalena Andersson, e cila dha dorëheqjen shtatë orë pasi u zgjodh si kryeministrja e parë femër e Suedisë javën e kaluar, është përzgjedhur sërish...

Ishte duke raportuar LIVE, gazetaren e ngacmojnë duke e prekur nga të pasmet

Një incident ka ndodhur me një gazetare sportive, e cila gjatë raportimit LIVE është ngacmuar nga një person. Por edhe ajo nuk ka qëndruar...