Neritan Ceka ka komentuar dekretin e firmosur nga presidenti Meta për të anuluar zgjedhjet vendore të 30 qershorit.
I ftuar në emisionin “360 gradë”, Ceka ka deklaruar se ky vendim është një iniciativë pasionante e Metës, për të cilën shprehet se nuk duhej të ishte marrë.
Sipas profesorit, zgjedhjet do shtyhen për në vjeshtë, ndërsa shtoi se presidentit ka autoritetin që ia jep kushtetuta që ashtu siç e dekreton datën e zgjedhjeve, edhe ta anulojë atë.
“Pra datën nuk e ka dhënë sepse dihet që afati i verës mbaron dhe zgjedhjet do shtyhen për në vjeshtë. Të dy partitë kanë mbetur për vjeshtë të shohim si do dalin.
Injoranca vazhdon dhe në faktin për shkarkimin e presidentit.
U tha qartë që mirë ishte mos e merrnin këtë iniciativë, sepse është një iniciativë pasionante dhe vendime kaq të rëndësishme nuk duhen marrë në mbledhje, sidomos tek elektorati që është gati të rrijë pa bukë dhe pa ujë, por vetëm që bijtë e komunistëve të vazhdojnë të jenë në pushtet.
Pra këto me fushata elektorale nuk bëhen. Mirë ishte që këtë vendim ta kishte marrë edhe më herët”, deklaroi Ceka.
