Pas fjalimit të gjatë dhe përcjelljes së vendimit për shtyrjen e zgjedhjeve, tashmë dekreti ka mbërritur në KQZ. Burime pranë këtij institucioni konfirmojnë se dekreti i firmosur nga Presidenti Meta, është dorëzuar zyrtarisht rreth orës 11:20 minuta.
Ky dekret pritet të shoqërohet me debate brenda këtij institucioni, ku anëtarët e zgjedhur nga Partia Socialiste në KQZ, kanë njoftuar një mbledhje urgjente të këtij institucioni.
Meta me deklaratë ‘bombë’: Vendi në rrezik. Data për zgjedhjet të dakordësohet politikisht
Më herët, PS vendosi të mos njohë dekretin e Ilir Metës, dhe për rrjedhojë të nis procedurat për shkarkimin e tij.
Siç duket, për Edi Ramën, vendimi i Presidentit ishte i pritshëm. Në fjalën e tij në mbledhjen e Kryesisë së PS-së, kryeministri është shprehur se seanca plenare e ditës së enjte, do të finalizohet me rezolutë për shkarkimin e Presidentit.
Rama i përgjigjet ‘dhëmbë për dhëmbë’ Metës/ Spiropali: Të enjten nisim procedurën për shkarkimin
“Vendimi i Presidentit ishte i pritshem! Ne jemi Republikë Parlamentare, jo Presidenciale. Ndaj asgje s’na ndal te vijojme perpara me 30 qershorin. Te enjten debat shume i gjate parlamentar. Te shpalosim te gjitha argumentat kunder ketij vendimi te Presidentit. E enjtja do te finalizohet me rezolute per shkarkimin e Presidentit. Duhet te fokusohemi në 30 qershor. Jemi ne mes te lojes. Pas debatit, çeshtja diskutohet ne KQZ, e me pas do kaloje ne Kolegj. Fokusi jone 30 qershori”, mësohet të jetë shprehur Rama.
