Kryeministri Edi Rama ka dhënë një premtim për të gjithë familjarët, banesat e të cilëve janë dëmtuar nga tërmetet në dy ditët e fundit.
Në një postim në Facebook, Rama shkruan se të gjitha banesat do të rindërtohen. Teksa publikon pamje nga vizita e djeshme e ministres Spiropali në Floq dhe Qafëzezë të Korçës, kryeministri shkruan se shumë shpejt do të nisë dëmshpërblimi dhe rindërtimi për të gjitha familjet e prekura nga kjo fatkeqësi:
“ERTV Live: TE GJITHA BANESAT DO TE RINDERTOHEN – Dje, në Floq dhe Qafëzezë të Korçës, me banorët e prekur nga tërmeti që goditi këtë rajon, si dhe drejtues të institucioneve qendrore dhe lokale. Pas inventarit të dëmeve, nis shumë shpejt dëmshpërblimi dhe rindërtimi për të gjitha familjet e prekura nga kjo fatkeqësi natyrore!”
